काठमाडौँ, १४ असोज । काठमाडौँ उपत्यकामा थप ९०२ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार पछिल्लो चौविस घण्टामा काठमाडौँमा ६९७ जना, भक्तपुरमा ९३ जना र ललितपुरमा ११२ जनामा कोरोना संक्रमण देखिएको हो ।

आज देशभर १ हजार ५५९ जनामा संक्रमण देखिएको छ । यस्तै पछिल्लो चौविस घण्टामा १ हजार ५७ जना कोरोना मुक्त भएका छन् ।

यसैगरी आज कोरोनाबाट मृत्यु हुनेको संख्या ७ रहेको मन्त्रालयले जनाएको छ ।