काठमाडौँ, २७ पुस। काठमाडौँ उपत्यकामा शोमवार थप ३ सय १४ जना कोरोना संक्रमित थपिएका छन् । जसमा १२९ जना महिला र १८५ जना पुरुष छन् ।

स्वास्थ्य तथा जनसंख्या मन्त्रालयका अनुसार काठमाडौँमा २३०, ललितपुरमा ६९ र भक्तपुरमा १५ जना गरी ३१४ जनामा कोरोना संक्रमण देखिएको छ ।

आज थप ५ हजार ३०९ जनाको पीसीआर नमुना परीक्षण गर्दा देशभर थप ४८८ जनामा कोरोना संक्रमण पुष्टि भएको छ। यही अवधीमा ५२७ जना डिस्चार्ज भएका छन्। थप १० जना कोरोना संक्रमितको मृत्यु भएको छ ।