पछिल्लो २४ घण्टामा देशभर थपिए ३१६७ जना कोरोना संक्रमित, १८०० जना निको भए

  • सक्रिय संक्रमितको संख्या ३८ हजार ७ सय ३७
  • - नेपाली हेल्थ

    काठमाडौँ, १ कात्तिक । पछिल्लो चौविस घण्टामा देशभर थप ३ हजार १ सय ६७ जनामा कोरोना भाइरस (कोभिड-१९)संक्रमण देखिएको छ ।

    स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा १५हजार ४ सय ३८ जनाको पीसीआर बिधिबाट गरिएको नमुना परीक्षणका क्रममा थप ३ हजार १ सय ६७ जनामा कोरोना भाइरसको संक्रमण पोजेटिभ देखिएको हो।

    स्वास्थ्य तथा जनसंख्या मन्त्रालयको नियमित कोरोना प्रेस ब्रिफिङका क्रममा प्रवक्ता डा जागेश्वर गौतमले चौबिस घण्टामा ३ हजार १ सय ६७ जनामा संक्रमण देखिएको बताए ।

    यो संगै नेपालमा कुल संक्रमितको संख्या १ लाख २९ हजार ३ सय ४ पुगेको छ । हालसम्म देशभर सक्रिय संक्रमितको संख्या ३८ हजार ७ सय ३७ रहेको छ ।

    त्यसैगरी पछिल्लो २४ घण्टामा देशभर थप १ हाजार ८ सय जना उपचारपछि निको भएर डिस्चार्ज भएका छन् । यो सहित डिस्चार्ज हुनेको कुल संख्या ८९ हजार ८४० पुगेको छ ।

    देशभरका क्वारेनटिनमा ४ हजार ७ सय १५ जना रहेका छन् । होम आइसोलेसनमा २५ हजार ४३८ रहेका छन् । संस्थागत आइसोलेसनमा १३ हजार २ सय ९९ छन् ।


    Facebook Comment


    थप समाचार