देशभर थपिए १३ सय १३ जना कोरोना संक्रमित, संक्रमितको संख्या ७० हजार ६१४

  • पछिल्लो २४ घण्टामा देशभर थप १४ सय ५५ जना डिस्चार्ज
  • - नेपाली हेल्थ

    काठमाडौँ, ९ असोज । पछिल्लो चौविस घण्टामा देशभर थप १३ सय १३ जनामा कोरोना भाइरस (कोभिड-१९) संक्रमण देखिएको छ ।

    स्वास्थ्य तथा जनसंख्या मन्त्रालयका अनुसार पछिल्लो चौविस घण्टामा देशभरका बिभिन्न प्रयोगशालामा १२ हजार २६२ जनाको पीसीआर बिधिबाट गरिएको नमुना परीक्षणका क्रममा थप १३ सय १३ जनामा कोरोना भाइरसको संक्रमण पोजेटिभ देखिएको हो।

    स्वास्थ्य तथा जनसंख्या मन्त्रालयको नियमित कोरोना प्रेस ब्रिफिङका क्रममा प्रवक्ता डा जागेश्वर गौतमले चौबिस घण्टामा १३ सय १३ जनामा संक्रमण देखिएको बताए ।

    यो संगै नेपालमा कुल संक्रमितको संख्या ७० हजार ६१४ पुगेको छ । हालसम्म देशभर सक्रिय संक्रमितको संख्या १८ हजार २८९ रहेको छ ।

    पछिल्लो २४ घण्टामा देशभर थप १४ सय ५५ जना उपचारपछि निको भएर डिस्चार्ज भएका छन् । यो सहित डिस्चार्ज हुनेको कुल संख्या ५१ हजार ८६६ पुगेको छ ।

    त्यसैगरी सून्य संक्रमित रहेका जिल्ला ७ वटा छन् भने ५ सय भन्दा बढी संक्रमित भएका जिल्ला ७ वटा छन् ।

    देशभरका क्वारेनटिनमा ६ हजार ४६४ जना रहेका छन् । होम क्यारेनटिनमा १० हजार ५२ रहेका छन् । त्यसैगरी संस्थागत आइसोलेसनमा ८ हजार २३७ सय जना रहेका छन् । त्यसैगरी देशभरका अस्पतालका आइसीयूमा २२७ जना र भेन्टीलेटरमा ३९ जना उपचाररत छन् ।


    Facebook Comment


    थप समाचार