सरकारी सेवाबाट विदा भए सहसचिव भोगेन्द्रराज डोटेल

- नेपाली हेल्थ

काठमाडौँ, ३० भदौ । स्वास्थ्य मन्त्रालयका सहसचिव भोगेन्द्रराज डोटेल सरकारी सेवाबाट विदा भएका छन् । गत १ भदौ देखि लागू हुने गरी दिएको राजिनामा सोमबार बसेको मन्त्रिपरिषद बैठकले स्वीकृत गरेपछि उनी सरकारी सेवाबाट विदा भएका हुन् ।

स्वास्थ्य सेवा विभाग व्यवस्थापन महाशाखाका प्रमुख रहेका डोटेलको गत २२ जेठमा मन्त्रालय सरुवा भएको थियो । तर मन्त्रालय आएर उनले जिम्मेवारी पाएका थिएनन् ।

‘मन्त्रालयमा आएर खासै जिम्मेवारी पाइएन् । त्यत्तिकै त किन बस्नु भनेर १ भदौ देखि लागू हुने गरी राजिनामा दिएको हुँ । मन्त्री परिषदले अहिले स्वीकृत ग र्‍यो भन्ने सुनेको छु,’ उनले भने ।

त्यसो त डोटेलको आगामी २४ असोज देखि उमेर हदका कारण अनिवार्य अवकाश हुँदे थियो ।


Facebook Comment


थप समाचार