चीनमा नयाँ कोरोना भाइरसबाट मृत्यु हुनेको संख्या ४२५ पुग्यो

  • हंङकङमा १ जनाको मृत्यु
  • - नेपाली हेल्थ

    बेइजिङ । चीनमा नयाँ कोरोना भाइरसबाट मृत्यु हुनेको संख्या ४२५ पुगेको छ । भाइरसको संक्रमणमा पर्नेको संख्या सोमबारसम्म २० हजार ४३८ पुगेको चीनको स्वास्थ्य आयोगले जनाएको छ । चीन बाहिर हङकङ र फिलिपिन्समा थप एक एक जनाको मृत्यु भईसकेको छ । सो सहित कोरोना भाइरसबाट मृत्यु हुनेकोसंख्या ४२७ पुगेको छ ।

    आयोगका अनुसार चीनमा सोमबारमात्रै ६४ जनाको मृत्यु भएको छ भने ३ हजार २३५ नयाँ संक्रमण देखिएको छ ।

    आयोगका अनुसार सोमबार मध्यरातसम्म हुवेइ प्रान्तमा मात्रै २ हजार ३४५ जनामा नयाँ संक्रमण भेटिएको छ । त्यसमध्ये १ हजार २४२ वुहान शहरमा भेटिएको हो ।

    हंङकङमा  एकको मृत्यु

    नयाँ कोरोना भाइरसबाट हंङकङमा एक जना ३९ बर्षिय पुरुषको मृत्यु भएको छ । यो भाइरसबाट चीन बाहिर मृत्यु हुने उनी दोस्रो व्यक्ति हुन् । यसअघि आइतबार फिलिपिन्समा पनि एक व्यक्तिको ज्यान गएको थियो ।

    क्वाईचुङस्थित प्रिन्सेस मार्गरेट हस्पिटलमा कोरोनाभाइरसको उपचार गराईरहेका उनको मंगलबार विहान हार्ट फेल भएर मृत्यु भएको अधिकारीहरुले बताएका छन् ।

    उनी गत २१ जनवरीमा चीनको वुहान पुगेका थिए । उनी त्यहाँ दुई दिन बसेर रेलमार्गबाट हंङकङ फर्केका थिए । हंङकङ अहिले १५ जनामा यो भाइरस देखिएको छ । उनी १३ औँ व्यक्ति थिए ।


    Facebook Comment


    थप समाचार