लाइसेन्स परीक्षाको नतिजा : एमबीबीएस र बीडीएस दुबैमा नेपालको पढाई उत्कृष्ठ

- नेपाली हेल्थ

mbbs result copy

रामप्रसाद न्यौपाने /काठमाडौँ, १७ साउन – नेपाल मेडिकल काउन्सिलले शनिबार लिएको एमबीबीएस र बीडीएस तर्फ चिकित्सा दर्ता प्रमाणपत्र (लाइसेन्स) परीक्षाको नतिजाले स्वदेशी पढाई नै उत्कृष्ठ देखाएको छ ।

शनिबारको नतिजा अनुसार नेपालबाटै एमबीबीएस र बीडीएस उत्तीर्ण गरी परीक्षामा सहभागी मध्ये क्रमश ८१ प्रतिशत र ७९ प्रतिशत लाइसेन्स प्राप्त गर्न सफल भएका छन् । जवकी लाइसेन्स परीक्षाको कुल नतिजा एमबीबीएस र बीडीएसमा क्रमश ७३.४६ प्रतिशत र ६०.४० प्रतिशत हो ।

त्यसो त शनिबारको लाइसेन्स परीक्षामा एमबीबीएस तर्फ कुल सहभागी १ हजार २५ मध्ये ५५० अर्थात ५४ प्रतिशत सहभागी नेपालबाट उत्तीर्ण गरेका थिए । त्यस्तै बीडीएसका कुल परीक्षार्थी १४४ मध्ये नेपालबाट उत्तीर्ण गरेका ९९ जना अर्थात ६९ प्रतिशत थिए ।

परीक्षामा एमबीबीएस तर्फ नेपालपछि सवैभन्दा बढी सहभागी भएका चीन अध्ययन गरि फर्केका विद्यार्थीको सफलतादर ५१ प्रतिशत छ । यसपटकको परीक्षामा चीनबाट एमबीबीएस अध्ययन सकेका २३६ जना सहभागी भएका थिए । ती मध्ये १२१ जनामात्रै उत्तीर्ण भएका छन् ।

चीन पछि धेरै विद्यार्थी जाने बंगलादेशको नतिजा भने केही राम्रो देखिएको छ । बंगलादेशबाट एमबीबीएस उत्तीर्ण गरी लाइसेन्स परीक्षामा सहभागी १८६ जना मध्ये १४४ जना उत्तीर्ण भएका छन् । कार्गिस्तानबाट एमबीबीएस उत्तीर्ण गरी परीक्षामा सहभागी ५ जना मध्ये १ जना मात्रै उत्तीर्ण भएका छन् ।

यस्तै बीडीएस तर्फ नेपाल पछि सबैभन्दा बढी भारत अध्ययन गरेका विद्यार्थी सहभागी थिए । तर त्यहाँबाट बीडीएस उत्तीर्ण गर्नेको लाइसेन्स नतिजा भने निरासा जनक देखिएको छ । कुल २७ जनाले परीक्षा दिएका मध्ये ५ जना अर्थात १९ प्रतिशत मात्रै उत्तीर्ण भएका छन् ।

भारत पछि बढी पढन जाने बंगलादेशबाट अध्ययन सकि फर्केकाको लाइसेन्स परीक्षाको नतिजा पनि भारतसंग बराबर जस्तै देखिएको छ । यसपटकको परीक्षामा बंगलादेशबाट बीडीएस सकेर आएका १६ जनाले परीक्षा दिएका थिए तर उत्तीर्ण भने ३ जना मात्रै अर्थात १९ प्रतिशत मात्रै भएका छन् ।

फिलिपिन्सबाट बीडीएस उत्तीर्ण गरी सहभागी भएको एक जना समेत लाइसेन्स परीक्षामा गुल्टिएका छन् ।


Facebook Comment


थप समाचार