सुशासन समितिको बैठकमा अख्तियार प्रमुख लोकमानसिंह कार्की उपस्थित भएनन

  • स्वास्थ्यमा समस्या भएको जानकारी
  • - नेपाली हेल्थ

    lokman

    काठमाडौँ, ११ साउन – स्वास्थ्यमा समस्या आएको भन्दै अख्तियार प्रमुख लोकमानसिंह कार्की व्यवस्थापिका संसदको सुशासन तथा अनुगमन समितिको बैठकमा उपस्थित भएनन् । घाटीमा समस्या भएकोले आउन नसकेको उनले समितिलाई जानकारी गराएका छन् ।

    काठमाडौँ विश्वविद्यालयमा अख्तियारको हस्तक्षेप भएको भन्दै समितिले आयोगका प्रमुख कार्की सहित पदाधिकारीहरुलाई उपस्थित हुन गत ८ साउनमा निर्देशन दिएको थियो । प्रमुख कार्कीले चिकित्सकले एक साता नबोल्न भनेकोले आफू आउन नसकेको लिखित जानकारी गराएका छन् ।

    अख्तियारको विषयमा काठमाडौँ विश्वविद्यालयका पदाधिकारीका कुरा बाझिएपछि समितिले अख्तियार प्रमुख सहित आयुक्तहरुलाई बोलाउने निर्णय गरेको थियो ।

    केही बेर अघि कार्कीको लिखित पत्र र प्रतिनिधीसहित सचिव शान्तराम सुवेदी सहितको टोली समितिमा पुगेका छन् । बैठक सुरु भएको छ ।

    यसैबीच परीक्षाका बारेमा जानकारी दिदै सचिव सुवेदीले अघिल्लो परीक्षामा पनि धादली भएको उजुरी परेपछि छानवीनका लागि नेपाल मेडिकल काउन्सिल पठाएको बताए ।

    उनले प्रश्नपत्र निर्माण र परीक्षा सञ्चालन काउन्सिलले गरेको भन्दै आफूहरुले अनुगमन र निरीक्षणमात्रै गरेको बताएका छन् । उनले उजुरीका आधारमा अनुगमन र निरीक्षण गर्नु आयोगको संवैधानिक अधिकार रहेको दावी गरे । उनले आयोगले कुनैपनि क्षेत्रमा संवैधानिक अधिकार नागेर हस्तक्षेप नगरेको समेत बताए ।

    सचिव सुवेदीले आयोगले प्राज्ञिक स्वतन्त्रता कायम गर्न र स्वायत्त निकायमा हस्तक्षेप गर्न हुँदैन भन्नेमा जानकार रहेको समेत बताए ।


    Facebook Comment


    थप समाचार