२७१ जनाको निशुल्क सुगर परीक्षण

- नेपाली हेल्थ

20160407_111246

काठमाडौँ –  विश्व स्वास्थ्य दिवशको अवसरमा बसुन्धरास्थित कान्तिपुर जनरल अस्पतालले सञ्चालन गरेको दुई दिने निशुल्क सुगर परीक्षण कार्यक्रममा विहीबार २७१ जनाले परीक्षण गराएका छन् ।

उनीहरुको ग्लुकोज रेन्डम व्लड टेष्ट( जीआरबीएस) गरिएको थियो । साथै मधुमेहबारे प्रशिक्षण समेत दिइएको थियो ।

अस्पतालका हेल्थकेयर म्यानेजर सलिना महर्जनका अनुसार निशुल्क परीक्षण शुक्रबार समेत चल्नेछ । विहान ९ बजे अपरान्ह ५ बजे सम्म परीक्षणको व्यवस्था मिलाइएको महर्जनले बताइन् ।

“मधुमेहको रोकथाम गरौं, समयमै उपचार गरी आफ्नो नियन्त्रणमा राखौं” भन्ने मूल नारा सहित विश्वभर विविध कार्यक्रम गरी आज विश्व स्वास्थ्य दिवस मनाईदै छ ।


Facebook Comment


थप समाचार