तीस लाख बालबालिकालाई भिटामिन ‘ए’ र जुकाको औषधि खुवाइदै

  • सधै बैशाख ६ र ७ गते हुने कार्यक्रम यसपटक २० र २१ फागुनमा सारिएको हो
  • - नेपाली हेल्थ

    Vitamin-A

    काठमाडौँ – सरकारले आज र भोली तीस लाख बालबालिकालाई भिटामिन ए र जुकाको औषधि खुवाउदै छ । स्वास्थ्य सेवा विभाग पोषण शाखाका अनुसार ६ देखी ५९ महिनासम्मका बालबालिकालाई भिटामिन ‘ए’ र १ बर्ष देखी ५ बर्ष सम्मका बालबालिकालाई जुकाको औषधि खुवाइदै छ ।

    पोषण शाखा प्रमुख गिरीराज सुवेदीले औषधि खुवाउन ५२ हजार बढी महिला स्वास्थ्य स्वयंसेविकाहरु परिचालन गरिएको बताए । उनले नजिकको खोप केन्द्र तथा टोल टोलमा स्वयंसेविकाहरु उपस्थित भई औषधि खुवाउने बताए ।

    सधै बैशाख ६ र ७ गते खुवाइने गरेको यो कार्यक्रम यसपटक २२ चैत देखी बालबालिकाको सुक्ष्मपोषण तत्वको सर्भेक्षण सुरु हुने भएकोले अगाडी सारिएको हो ।

    आगामी असार महिनासम्म चल्ने उक्त सर्भेक्षणमा बालबालिकामा भिटामिन एको अवस्था, आयोडिन, जिंक, आइरन लगायतका तत्वहरुको अध्ययन गरिने जनाइएको छ ।

    स्वास्थ्य सेवा विभाग बालस्वास्थ्य महाशाखाका अनुसार सर्भेक्षणमा ४ हजार ३२० घरधुरीका २५ हजार ९२० जना बालबालिका तथा महिला समेट्ने लक्ष्य लिइएको छ ।


    Facebook Comment


    थप समाचार