काठमाडौँ – असलशासन फाउन्डेसनले त्रिभुवन विश्वविद्यालय शिक्षण अस्पतालका प्रा.डा. भगवान कोइरालालाई यसबर्षको असल शासन पुरस्कार तथा असल शासन फाउन्डेसन रनिङशिल्ड प्रदान गरेको छ ।

चिकित्सा क्षेत्रमा असल शासन तथा आर्थिक पारदर्शिता कायम गरी उदाहरणय काम गरेको भन्दै फाउण्डेसनले प्रा.डा. कोइरालालाई पुरस्कार प्रदान गरेको हो । पुरस्कारको राशी ११ हजार १११ रुपैयाँ छ ।

विहीबार राजधानीमा आयोजित विशेष समारोहमा प्रधान न्यायाधीश कल्याण श्रेष्ठले प्रा.डा. कोइरालालाई पुरस्कार तथा रनिङशिल्ड प्रदान गरेका थिए ।

सो अवसरमा बोल्दै प्रधानन्यायाधीश श्रेष्ठले नकारात्मक विचार त्यागेर सकारात्मक पक्षलाई अवलम्बन गरेमात्र व्यक्ति सफल हुने बताए । उनले सबैको भलाइ र सम्मान हुने काम गरेमात्र असल शासन निर्माण हुने विचार व्यक्त गरे ।