काठमाडौँ, २७ असार ।  नेपालमा  १६ लाख १ हजार डोज कोभिडविरुद्धको खोप आइपुगेको छ । गाभी द भ्याक्सिन एलायन्स (गाभी)को अनुदान सहयोगमा कोभिडविरुद्धको फाइजर खोप आएको हो ।

स्वास्थ्य सेवा विभाग व्यवस्थापन महाशाखा अन्तर्गतको आपूर्ति महाशाखाले फाइजरको १६ लाख १ हजार डोज खोप मोनोभ्यालेन्ट खोप आइपुगेको बतायो ।

यसअघि नेपालले फाइजरको वाई भ्यालेन्ट खोप दिदै आएको थियो ।

कोभिडको सव भेरियन्टमा परिवर्तन आइरहेको र जोखिमयुक्त समूहलाई प्राथमिकता दिईने गरी यो खोप ल्याइएको विभागका खोप शाखा प्रमुख डा अभियान गौतमले बताए ।

कोभिड – १९ को महामारी सामान्यीकरण भएपछि खोपको चासो घटेको थियो ।

यद्धपी टेकुस्थित शहीद शुक्रराज ट्रपिकल तथा सरुवा रोग अस्पतालमा दैनिक रुपमा यो खोप दिईने गरेको थियो । अब आउने खोप पनि त्यहाँबाट नियमित रुपमा भई नै रहन्छ र अयन्त्रका अस्पतालमा पनि आवश्यकताका आधारमा वितरण हुने बताइएको छ ।
आपूर्ति शाखा प्रमुख डा सुरेन्द्र चौरसियाले खोप आइसकेको पुष्टि गर्दै खोप शाखाको योजना अनुसार वितरण हुने बताए । कहाँ कहाँ कति दिने भन्ने कुरा खोप शाखाले निर्धारण गर्दछ । त्यसपछि हामीले वितरण गर्न थाल्छौँ । डा चौरसियाले भने ।