तानसेन । रानीमहल सडक खण्ड अन्तर्गत बैकुन्ठ पहाडमा जीप दुर्घटनामा परी ६ जनाको घटना स्थलमा मृत्यु भएको छ । चालक घाईते अवस्थामा भेटिएका छन । जीप वैकुण्डे पहाडबाट तीन सय मीटर तल वराङ्दी खोलामा खसेको हो ।

प्रहरीका अनुसार वागमति प्रदेशको ७२०९ नम्वरको जीप दुर्घटना हुदा ६ जनाको घटनास्थलमै मृत्यु भएको छ । मृत्यु हुनेमा तीन महिला, दुई वालक र एक पुरुष रहेका छन । घाईते चालकको अवस्था गम्भीर छ ।

मृत्यु हुनेहरुमा बर्ष ६५ को कृष्ण बहादुर लोहनी, बर्ष ५५ चुना धिताल, बर्ष ३५ को सविना धिताल, बर्ष ५५ को पार्वती लोहनी, बर्ष ११ को सोबिस लोहनी, बर्ष २.५ बर्ष को इशव लोहनी रहेको र चालक ईश्वर लोहनी रहेको जि प्र का पाल्पाले जनाएको छ ।

स्थानीय वासिनदाका अनुसार जीप भैरहवाबाट आएको हो । रानीमहल घुम्नका लागि आएकाहरु दुर्घटनामा परेका हुन । रानीमहल घुमेर फर्कदै गर्दा उनीहरु सवार जीप व्रेक फेल भएर अनियन्त्रित भएर व्याक भएको थियो ।