काठमाडौँ, २६ भदौ । ललितपुरको पाटन अस्पतालमा उपचाररत थप एक जना कोरोना संक्रमितको मृत्यु भएको छ ।

स्वास्थ्य कार्यालय ललितपुरका अनुसार मृत्यु हुनेमा काठमाडौँ निवासी ६३ वर्षीय पुरुष हुन् । भदौ २४ गतेदेखि पाटन अस्पतालमा उपचारमा रहेका उनको उपचारकै क्रममा आज बिहान ३ बजे मृत्यु भएको हो ।

स्वास्थ्य तथा जनसंख्या मन्त्रालयले हिजो ४ बजेसम्मको तथ्यांक जारी गर्दै नेपालमा ३१७ जनाको कोरोना संक्रमणबाट मृत्यु भएको जानकारी गराएको थियो।

त्यसैगरी नेपालमा हालसम्म ५० हजार ४६५ जनामा कोरोना भाइरसको संक्रमण देखिएको छ। संक्रमितमध्ये ३५ हजार ७ सय जना निको भई डिस्चार्ज भएका छन्। भने हालसम्म देशभर सक्रिय संक्रमितको संख्या १४ हजार ४४८ रहेको छ ।