काठमाडौँ, २४ मंसिर । बहालवाला स्वास्थ्य मन्त्रीले हार वेहोरे पनि पूर्व स्वास्थ्य मन्त्रीहरु केहीे निर्वाचित भएका छन् । केही भने निर्वाचनको अन्तिम परिणामको पर्खाईमा रहेका छन् ।

पूर्व स्वास्थ्य मन्त्रीहरु खगराज अधिकारी, गगन थापा, शक्ति बस्नेत, राजेन्द्र महतोले प्रतिस्पर्धीहरु माथि भारी मतान्तरले विजयी भएका छन् । तर बहालवाला स्वास्थ्य मन्त्री दीपक बोहराले रुपन्देहीबाट नमिठो पराजय बेहोरेका छन् ।

पूर्व स्वास्थ्य मन्त्रीहरु उमाकान्त चौधरी, रामजनम चौधरी पनि अहिलेसम्म डेन्जर जोनमा रहेका छन् । यद्धपी अन्तिम मत परिणाम आइसकेको छैन । तर स्वास्थ्यबाट विना विभागीय भएका मन्त्री गिरिराजमणी पोखरेल जीत नजिक पुगिसकेका छन् ।

यसपटक जीत हासिल गर्ने पूर्व स्वास्थ्य मन्त्रीहरु खगराज अधिकारी, शक्ति बस्नेत, बाम गठबन्धनका उम्मेद्धार थिए । यता गगन थापालाई लोकतान्त्रिक गठबन्धनले साथ दिएको थियो ।

महतो भने तराईका पार्टीहरु मिलेर बनेको राष्टिय जनता पार्टीबाट उठेका थिए । उनले कांग्रेसका प्रभावशाली नेता बिमलेन्द्र निधीलाई पराजित गरेका थिए ।