ललितपुर ३१ भदौ । नेपाल स्वयंसेवी रक्तदाता समाज महालक्ष्मी नगरपालिका – ६ ललितपुरको प्रथम अधिवेशनले दस बहादुर महर्जनको अध्यक्षतामा नयाँ कार्यसमिति गठन गरेको छ ।

आज सम्पन्न अधिवेशनले समितिको उपाध्यक्षमा शैलेन्द्र महर्जन सचिवमा प्रशंसा नेमकुल, र कोषाध्यक्षमा संगिता महर्जन चुनिएका छन् ।
उक्त कार्यसमितिको सदस्यहरुमा क्रमशः रूमा महर्जन,सुजिना महर्जन,सुनिता महर्जन,पूजा महर्जन,उर्मिला महर्जन,नरेश महर्जन र सलिना महर्जनलाई चुनिएका छन् ।

सिद्धि मंगल उच्च माविको सभाकक्षमा सम्पन्न सो अधिवेशनमा नेपाल रेडक्रस सोसाइटी केन्द्रीय रक्तसञ्चार सेवा केन्द्र (व्लड बैक)का कार्यकारी निर्देशक डा. मनिता राजकर्णिकार, स्थानीय समाजसेवी विनयराज जंग बस्नेत, स्वयंसेवी रक्तदाता समाजका अध्यक्ष एवं शतक रक्तदाता प्रेमसागर कर्माचार्य, विद्यालय व्यवस्थापन समितिका अध्यक्ष ईश्वरमान नेमकुल र प्रधानाध्यापक मीन बहादुर अछामीले शुभकामना मन्तव्य राखेका थिए ।

नेपाल स्वयंसेवी रक्तदाता समाज ललितपुर महालक्ष्मी नगरसमितिका अध्यक्ष विजय महर्जनको अध्यक्षतामा भएको कार्यक्रममा नव निर्वाचित कार्यसमितिका पदाधिकारीहरुलाई केन्द्रीय अध्यक्ष कर्माचार्यले टीका तथा खादा लगाइदिएर सम्मान गरेका थिए ।