काठमाडौँ, ११ साउन । सरकारी चिकित्सकले सरकारले नयाँ आर्थिक बर्षबाट प्रोत्साहन भत्ता १०० प्रतिशत नपाए आफूहरुले दिदै आएको ९- ३ समयसम्मको ओपिडी सेवा पनि नदिने चेतावनी छन् । सरकारी चिकित्सक संघ नेपाल गोदानले बुधबार विज्ञप्ती जारी गर्दै यस्तो चेतावनी दिएका हुन् ।

पूर्व स्वास्थ्य मन्त्री गगन थापाले ओपिडी सेवा ९ – ३ बनाउने निर्णय गरेका थिए । उनले सो बापत चिकित्सकहरुलाई ५० प्रतिशत प्रोत्साहन भत्ताको व्यवस्था गरेका थिए । तर सरकारी चिकित्सक संघले नयाँ आर्थिक बर्षबाट भत्ता १०० प्रतिशत हुने सर्तमा मात्रै त्यतिवेला सो व्यवस्था मानेको बताएका छन् ।

उनीहरुले नयाँ आर्थिक बर्ष सुरु भईसकेपछि भत्ता बढाउने विषयमा मन्त्रालयले चासो नदेखाएको भन्दै आपत्ती जनाएका छन् । गोदानका अध्यक्ष डा दीपेन्द्र पाण्डेद्धारा जारी विज्ञप्तीमा नयाँ व्यवस्थाले चिकित्सकहरुको कार्यअवधी समेत बढेर ७० देखि १४० घण्टासम्म पुगेको भन्दै त्यस अनुसार प्रोत्साहनको काम नभएको उल्लेख छ ।

गोदानले स्वास्थ्य मन्त्री गिरिराजमणी पोखरेलले सपथ लिइ पदवहाली गरेकै दिन विज्ञप्ती मार्फत मन्त्रालयलाई दवाव दिएको छ । यो विज्ञप्ती यति बेला आएको छ जतिवेला नयाँ स्वास्थ्य मन्त्री पोखरेलले कर्मचारीहरुसंग सहकार्य गरी स्वास्थ्य क्षेत्रलाई उत्कृष्ठ बनाउने भन्दै थिए ।

हेरौँ गोदानको विज्ञप्ती