इजरायल, २९ भदौ – नोभेल शान्ति पुरस्कार विजेता तथा इजरायलका पूर्व राष्ट्रपति सिमन पेरेजको स्वास्थ्यमा सामान्य सुधार देखिएको उनले उपचार गराइरहेको अस्पतालले बुधबार जनाएको छ ।

त्रियानब्बे वर्षीय पेरेजलाई मङ्गलबार मस्तिष्कघात भएपछि बेहोस अवस्थामा अस्पताल भर्ना गरिएको उपचारमा संलग्न चिकित्सक यित्जाहक क्रेसले बताए ।

क्रेसका अनुसार उनलाई बढी उमेरका कारण शल्यक्रिया गरेर उपचार नगरिने तर औषधि दिएर हुनसक्ने उपचार दिइनेछ ।

बुधबार पेरेजको स्वास्थ्यमा सामान्य सुधारका सङ्केत देखापरे पनि उनको अवस्था गम्भीर रहेको चिकित्सकले बताएका छन् ।

उनलाई मेसिनद्वारा कृतिम स्वास प्रदान गरिराखिएको छ । पेरेज समय समयमा होसमा आउने भएको बताइएको छ । चिकित्सकले पेरेजलाई दिइराखिएको औषधि केही घटाएर हेर्ने बताएका छन् । रासस/एएफपी