काठमाडौँ, ९ भदौ ।  गत साउन यता ६७ जनामा हैजा संक्रमण पुष्टि भएको छ । स्वास्थ्य सेवा विभाग अन्तर्गत इपिडिमियोलोजी तथा रोग नियन्त्रण महाशाखा (ईडीसीडी) का अनुसार ललितपुर, काठमाडौँ, कैलाली, प्युठान, मकवानपुर गरी पाँच जिल्लामा ६७ जनामा हैजा संक्रमण पुष्टि भएको हो ।

चार जना हैजा सङ्क्रमित उपचाररत रहेको महाशाखाले जनाएको छ । सबैभन्दा बढी ललितपुरमा ४७ जनामा हैजा संक्रमण पुष्टि भएको छ ।

त्यस्तै काठमाडौँमा ९, कैलालीमा ८, प्युठानमा २, मकवानपुरमा १ जनामा हैजा पुष्टि भएको छ । हैजा संक्रमण पुष्टि भएका मध्ये ६३ जना निको भइसकेको महाशाखाले जनाएको छ । ।