काठमाडौँ, २ भदौ । सरकारले गत साता ५९ जना सहसचिवहरुको सरुवा गर्दा स्वास्थ्य तथा जनसंख्या मन्त्रालयका एक जना परेका छन् ।

संघीय मामिला तथा सामान्य प्रशासन मन्त्रालयको प्रस्तावमा गत बिहीबार बसेको मन्त्रिपरिषद् बैठकले ५९ जना सहसचिवहरुको सरुवा गर्दा स्वास्थ्य तथा जनसंख्या मन्त्रालयका सहसचिव विनोदबहादुर कुवर पनि सो सूचीमा परेका हुन् । उनलाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।

उनको ठाउँ लिन स्वास्थ्यमा सहसचिव ढुण्डीप्रसाद निरौला आएका छन् । निरौला यसअघि भन्सार विभागको महानिर्देशक थिए ।
सम्भवत निरौलाले अब स्वास्थ्यको कर्मचारी प्रशासन महाशाखा सम्हाल्ने छन् ।