काठमाडौँ, २१ चैत । विशेषज्ञ चिकित्सकहरुको लाइसेन्स परीक्षा (स्पेशल एक्जाम)मा ६४.२५ प्रतिशत चिकित्सक उत्तीर्ण भएका छन् ।

पुल्चोक इन्जिनियरिङ क्याम्पस सूचना तथा सञ्चार प्रविधि केन्द्रमा आज भएको परीक्षामा १७९ जना सहभागी थिए । त्यसमध्ये ११५ जना उत्तीर्ण भएको काउन्सिलका रजिष्ट्रार डा सतिशकुमार देवले बताए ।

यसपटकको विशेष परीक्षामा पोष्ट ग्राजुएट्स (पीजी) तहका विभिन्न ३२ विषयबाट उत्तीर्ण भएका चिकित्सक सहभागि थिए ।

डा देवका अनुसार परीक्षाका लागि १८४ जनाले फारम भरेको भए पनि ५ जना अनुपस्थित थिए । ४ जनाको नतिजा वीथहेल्डमा राखिएको छ । ६४ जना अनुत्तीर्ण भएका छन् ।