काठमाडौँ, ७ चैत ।  कैलालीको गेटा अस्पतालको निर्देशकमा डा. प्रमोदकुमार यादव नियुक्त भएका छन् ।

स्वास्थ्य तथा जनसंख्या मन्त्रालयले केही समय यता रिक्त निर्देशक पदमा डा. यादवलाई मन्त्रालयको सचिवस्तरीय निर्णयका आधारमा नियुक्त गरेको हो ।

डा. यादव चिकित्सा विज्ञान राष्ट्रिय प्रतिष्ठान वीर अस्पतालमा १० औं तहमा कार्यरत छन् ।

यसअघि डा. यादवले जनकपुर प्रादेशिक अस्पतालमा समेत निर्देशकको रुपमा जिम्मेवारी निर्वाह गरिसकेका छन् ।