काठमाडौँ, ७ कात्तिक । उपराष्ट्रपति रामसहाय प्रसाद यादवको हर्नियाँको शल्यक्रिया सफल भएको छ ।

उपराष्ट्रपति यादवका निजी चिकित्सक डा. शिवजी विक्रम सिलवालका अनुसार महाराजगञ्जस्थित त्रिवि शिक्षण अस्पतालमा गरिएको हर्नियाँको शल्यक्रिया सफल भएको हो ।

उपराष्ट्रपति यादव मङ्गलबार त्रिवि शिक्षण अस्पतालमा भर्ना भएका थिए । उनको शल्यक्रिया प्राडा रमेशसिंह भण्डारी (युनिट चिफ एण्ड   लिभर टान्सप्लान्ट सर्जन) र डा. सुमिता प्रधानको टिमले गरेको हो ।

उपराष्ट्रपति यादवलाई शुक्रबार अस्पतालबाट डिस्चार्ज गर्ने बताइएको छ ।