काठमाडौँ, १७ भदौ । गण्डकी प्रदेशको स्वास्थ्य मन्त्रीमा कृष्ण प्रसाद पाठक नियुक्त भएका छन् ।

गण्डकी प्रदेशको सामाजिक विकास मन्त्रालयबाट फुटाइएको स्वास्थ्य मन्त्रालयको जिम्मेवारी एमालेबाट बागलुङका कृष्ण प्रसाद पाठकले पाएका हुन् ।

नवलपुरकी पद्मा जीसी श्रेष्ठको नेतृत्वमा ४ मन्त्रालयसहित एमाले सरकारमा सहभागी भएको छ । पद्माले कृषि, भूमि व्यवस्था तथा सहकारी मन्त्रालयको जिम्मेवारी पाएकी छन् ।

त्यस्तै पर्वतका मित्रलाल बस्याल उद्योग, पर्यटन मन्त्री र कास्कीका प्रकाशबहादुर केसीले भौतिक पूर्वाधार तथा यातायात व्यवस्था मन्त्रीको जिम्मेवारी पाएका छन् ।

यसअघिका भौतिक पूर्वाधार मन्त्री राजीव गुरुङ (दीपक मनाङे)लाई भने वन तथा वातावरण मन्त्रालयको जिम्मेवारी दिइएको छ ।

नवनियुक्त मन्त्रीहरुको शपथ केहीबेरमा हुँदैछ ।