काठमाडौँ, १ भदौ । नेशनल प्याथ ल्याबले आफ्नो नवौं शाखा पोखरामा बिस्तार गरेकोे छ । पोखराको हस्पिटल चोकमा सञ्चालनमा आएको ल्याबले सामान्य परीक्षण देखि विशेष सेवा दिने बताइएको छ ।

एनपीएलले प्रयोगशाला सम्वन्धी सबै खाले परीक्षणहरु पोखरामै सम्भव हुने गरी अत्याधुनिक उपकरणसँगै दक्ष प्राविधिकको व्यवस्थापन गरेको बताएको छ । उसले तीन करोड रुपैयाँ लागतमा नेशनल प्याथ ल्याब पोखरा शाखा सञ्चालनमा ल्याएको जनाएको छ ।

प्रयोगशालामा हिस्टोप्याथोलोजी, साइटोप्याथोलोजी, मोलिक्युलर बायोलोजी (पीसीआर), इम्युनोलोजीलगायतका विभाग छन् । मिर्गौला प्रत्यारोपण सम्बन्धि परिक्षण, बाथरोग, एचएलए बी – २७, एमटीबी, पीसीआर, हर्मोन, क्यान्सर मार्कर, भिटामिन, पिसाब तथा रगतको कल्चर, पाठेघरको क्यान्सरसँगै अन्य क्यान्सरको परीक्षण र होलबडी परीक्षणको प्याकेज समेत रहेको ल्याबका प्रबन्ध निर्देशक पवन जोशीले बताए ।

यस्तै रेस्पेरेटरी प्यानल, ग्यास्ट्रोइन्टेस्टाइनल प्यानल, मेनेन्जाइर्टस÷इन्सेफ्लाइर्टस प्यानललगायतका परीक्षण सुविधा समेत नेशनल प्याथ ल्याबमा उपलब्ध छन् ।

वि.सं. २०६९ सालमा बुटवलबाट सुरु भएको नेशनल प्याथ ल्याबले हालसम्म पोखरासहित देशका नौै शहरमा शाखा बिस्तार गरेको छ ।

काठमाडौँ, बुटवल, भैरहवा, गुल्मी, अर्घाखाँची, घोराही, तुलसीपुर, धनगढी र पोखरामा प्रयोगशाला छन् । जसमध्ये काठमाडौं र बुटवल शाखा राष्ट्रिय जनस्वास्थ्य प्रयोगशालाबाट ‘ए’ ग्रेडको मान्यता पाएका प्रयोगशाला हुन् ।

काठमाडौँ र बुटवलको प्रयोगशालाले बुटवलको प्रयोगशालाले  आइएसओ मान्यता पाएका छन्।  पोखरा शाखा राष्ट्रिय जनस्वास्थ्य प्रयोगशालाद्वारा ‘बी’ ग्रेड मा सूचीकृत छ।

संस्थाका अध्यक्ष रुद्रबहादुर कार्कीले गुणस्तरीय ल्याब सेवा प्रदान गर्नका लागि पोखरामा प्रयोगशाला स्थापना गरिएको बताए । ‘स्वास्थ्य परीक्षणका लागि डिजिटल प्रविधिद्वारा घरबाटै नमुना संकलन गर्ने व्यवस्था मिलाइएका छौं । बिरामीका आफन्तले अनलाइनबाटै रिपोर्ट हेर्न सक्नेछन्’, कार्कीले भने ।

पोखरामा नेशनल प्याथ ल्याबले सेवा सुरु गरेसँगै अब प्रयोगशाला सम्बन्धि परीक्षणका लागि काठमाडौँ जानुपर्ने बाध्यताको अन्त्य भएको उनको भनाइ छ । नमुना परीक्षण गर्न बाहिर पठाउदा धेरै समय पर्खनुपर्दा बिरामीको उपचार समेत प्रभावित हुने अध्यक्ष कार्की बताउँछन् ।

प्रयोगशालामा आर्थिक अवस्था कमजोेर भएका विपन्न वर्गका बिरामीका लागि निःशुल्क जाँचको व्यवस्था मिलाइएकोे पोखरा शाखा प्रमुख अच्युतराज अधिकारीले बताए ।

ग्रामीण क्षेत्रमा स्वास्थ्य सम्बन्धि जनचेतना जगाउने र निशुल्क स्वास्थ्य शिविर सञ्चालन गर्ने उनले जानकारी दिए ।

नेशनल प्याथ ल्याबले काठमाडौंमा ८ सय बढी इनहाउस परीक्षण सेवा दिदैं आइरहेको छ । नमूना परीक्षण, कर्मचारी संख्याका हिसाबले नेशनल प्याथ ल्याब नेपालकै ठूलो प्रयोगशाला मानिन्छ ।