काठमाडौँ, २७ साउन । स्वास्थ्य तथा जनसंख्या मन्त्री प्रदीप पौडेलले आफ्ना प्राथमिकताका विषय तथा कार्ययोजना सार्वजनिक गरेका छन् । जिम्मेवारी सम्हालेको २७ औँ दिनमा उनले पत्रकार सम्मेलन गरी प्राथमिकतामा रहेका विषय संगै अल्पकालीन तथा दीर्घकालिन कार्ययोजना सार्वजनिक गरेका हुन् ।

सो अवसरमा मन्त्री पौडेलले स्वास्थ्य मन्त्रीको जिम्मेवारी सम्हालेपछि संविधान, स्वास्थ्य क्षेत्रमा रहेका मौजुदा नीति ऐन, नियम तथा रणनीतिहरु र १६ औं योजना तथा दिगो विकास लक्ष्यलाई केन्द्रमा राखेर प्राथमिकता तथा कार्ययोजनाहरु तयार पारेको बताए ।

त्यसअघि उनले पूर्व स्वास्थ्य मन्त्रीहरु, पूर्व स्वास्थ्य सचिवहरु तथा स्वास्थ्य क्षेत्रका विज्ञ तथा सरोकारवालासंग सुझाव लिएको समेत बताए । त्यसो त मन्त्री पौडेलले स्वास्थ्य क्षेत्रको सुधारका लागि भन्दै इमेल र ह्वाट्सएपमा पनि सुझाव माग गरेका थिए ।

त्यहाँबाट आएका सुझावको आधारमा पनि प्राथमिकताका विषयहरु तथा कार्ययोजना तयार पारेको बताए । उनले प्राथमिकताका विषय तथा कार्ययोजनालाई कार्यान्वयनमा ल्याउनका लागि स्रोतको सुनिश्चितता आवश्यक रहेको भन्दै यसबारेमा प्रधानमन्त्री र अर्थ मन्त्रीको समेत ध्यानाकर्षण गराइसकेको बताए ।

उनले भने, ‘गुणस्तरीय स्वास्थ्य सेवाका लागि प्रधानमन्त्री निकै नै सकारात्मक हुनुहुन्छ । अर्थ मन्त्री ज्यू पनि यसका लागि सहयोगी हुनुहुन्छ । त्यसैले हामीले अघि सारेका काममा अर्थकै कारण बाधा पुग्दैन भन्ने विश्वास छ ।’

यस्तो छ मन्त्री पौडेलले सार्वजनिक गरेको स्वास्थ्यको प्राथमिकता तथा कार्ययोजनाहरु