काठमाडौँ, २८ असार । गृह मन्त्रालयले देशभर रहेका करीव ३० हजार कैदीवन्दीहरुको स्वास्थ्य अवस्था संकलन गर्ने भएको छ । मन्त्रालयले केन्द्रीय कारागार अस्पतालमार्फत कैदी वन्दीहरुको स्वास्थ्य अवस्था संकलन गर्ने भएको हो ।

केन्द्रीय कारागार अस्पतालका मेसु डा प्रकाश बुढाथोकीले ७२ जिल्लामा रहेका ७५ वटा कारागार कार्यालयमा रहेका कैदी वन्दीहरुमा कस्ता स्वास्थ्य समस्या देखा परेको छ भनेर जानकारी लिन खोजिएको बताए ।

उनले त्यसबारेको प्रतिवेदन तयार गरी मन्त्रालयलार्य बुझाउने जानकारी दिए ।