काठमाडौँ, १७ जेठ । स्वास्थ्य तथा जनसंख्या मन्त्रालयका सचिव मधुसुदन बुर्लाकोटीको सरुवा भएको छ ।

बिहिबार बसेको मन्त्रिपरिषद्को बैठकले तीन सचिवको सरुवा गर्ने निर्णय गर्दा त्यसमा स्वास्थ्यको प्रशासन तर्फका सचिव बुर्लाकोटी पनि परेका हुन् ।

स्रोतका अनुसार सचिव बुर्लाकोटीलाई राष्ट्रिय प्राकृतिक स्रोत तथा वित्त आयोगमा सरुवा गरिएको छ । स्वास्थ्यमा भने महालेखा नियन्त्रकको कार्यालयका सचिव हरिप्रसाद मैनालीलाई ल्याइएको छ । वित्त आयोगका सचिव विनोदप्रकाश सिंहलाई महालेखा नियन्त्रकको कार्यालयमा लगिएको छ ।

सचिव बुर्लाकोटीलाई गत १५ चैतको मन्त्रिपरिषद् बैठकले उपराष्ट्रपतिको कार्यालयबाट स्वास्थ्यमा सरुवा गर्ने निर्णय गरेको थियो । उनी स्वास्थ्यमा आएको तीन महिनामै सरुवामा परेका छन् ।