बिराटनगर, २ चैत । बिराटनगरस्थित नोवेल शिक्षण अस्पतालमा कार्यरत एक जना नर्सको विभत्स अवस्थामा शव भेटिएको छ ।

बिराटनगर महानगरपालिका- ४ मा डेरा बस्दै आएकी २३ वर्षीया चन्द्रिकाकुमारी दासको शव उनी बस्ने घरकै शौचालयमा विभत्स अवस्थामा भेटिएको हो ।

प्रहरीले प्रारम्भिक अनुसन्धानबाट हत्या भएको आशंका गरेको छ ।

दासको घाँटी, अनुहारलगायत शरीरका विभिन्न भागमा धारिलो हतियारले हानेको गहिरो चोट छ ।

उनको हत्यापछि शव छाडेर संलग्न व्यक्ति फरार भएको आंशका मोरङ प्रहरीका डीएसपी रञ्जन दाहालले बताए ।

उनले घटनाको अनुसन्धान सुरु गरिएको जानकारी दिए ।