काठमाडौँ, ५ माघ । अत्तरखेलस्थीत नेपाल मेडिकल कलेज शिक्षण अस्पतालका विद्यार्थीहरुले गुणस्तरहीन खाना खुवाएको भन्दै आन्दोलनमा उत्रिएका छन् ।

कलेजमा एमबीबीएस अध्ययनरत विद्यार्थीहरुले एक वर्षको अग्रिम खाना शुल्क लिएपनि गुणस्तरहीन खाना खुवाएको र मेस अनिवार्य गरेको भन्दै ९ दिनदेखि धर्ना दिएका छन्।

विद्यार्थीहरुले अनिवार्य मेस हटाउनुपर्ने, मेसमा कार्ड सिस्टम लागू गर्नुपर्ने लगाएतका माग राखेका छन्।

प्रशासनले अनिवार्य राखेको मेसमा पारदर्शिता नभएको उनीहरूको भनाइ छ । एक वर्षमा खानाका लागि डेढ लाख रूपैयाँ तिरेपनि मेसको व्यवस्था भने सन्तोषजनक नभएको उनीहरूको भनाइ छ ।