काठमाडौँ, ३ माघ । सरकारले शहीद गंगालाल राष्ट्रिय हृदय केन्द्र बाँसबारीको कार्यकारी निर्देशकमा डा रवि मल्ललाई नियुक्त गरेको छ । आज बसेको मन्त्रिपरिषद्को बैठकले कार्यकारी निर्देशक पदमा डा मल्ललाई नियुक्त गर्ने निर्णय गरेको हो ।

डा मल्ललाई यसअघि स्वास्थ्यमन्त्री मोहन बस्नेतले निमित्त निर्देशकमा नियुक्त गरेका थिए।

यसअघि त्यहाँका निर्देशक डा चन्द्रमणि अधिकारी थिए । उनको चार वर्षे कार्यकाल गत ६ पुसमा सकिएको थियो ।

यस्तै आजको बैठकले नरदेवी आयुर्वेद चिकित्सालयको अस्पताल विकास समितिको अध्यक्ष पदमा रमेशचन्द्र न्यौपानेलाई नियुक्त गर्ने निर्णय गरेको छ ।