काठमाडौँ, २३ पुस । स्वास्थ्य मन्त्री मोहनबहादुर बस्नेतले कर्मचारी सरुवाको कामलाई निरन्तरता दिएका छन् ।

मन्त्री बस्नेतले सोमबार मन्त्रीस्तरीय निर्णय गर्दै स्वास्थ्य सेवा विभागको व्यवस्थापन महाशाखाको निर्देशक परिवर्तन गरेका छन् । उनले सो महाशाखामा डा. श्रवण कुमार थापालाई वीरबाट सरुवा गरी निर्देशकको जिम्मेवारी दिएका छन् ।

थापा यसअघि वीर अस्पतालमा उप निर्देशक पदमा कार्यरत थिए ।

यस्तै त्यहाँ विगत १७ महिना देखि निर्देशकको जिम्मेवारीमा रहेका डा सर्वेश शर्मालाई वीर अस्पताल पठाएका छन् । डा शर्मालाई काजमा वीर पठाइएको हो ।

डा शर्माले आफ्नो दरबन्दी भने केन्द्रीय कारागार अस्पतालमा रहेको बताएका छन् ।