काठमाडौं, २१ कात्तिक । भैरहवास्थित युनिभर्सल कलेज अफ मेडिकल साइन्सेज शिक्षण अस्पताल (युसीएमएस) मा एक महिना देखि जारि आन्दोलन टुङ्गिएकाे छ ।

कलेज प्रशासन र  विद्यार्थीबीच सहमति भएपछि आन्दोलन टुङ्गिएकाे हाे ।

विद्यार्थीका माग पूरा हुने भएपछि सेवा प्रवाह र विद्यार्थीको पढाइ सुचारु भएको छ।

यश अघि ड्रेस कोडको नाममा विद्यार्थीहरुलाई अनावश्यक मानसिक यातना दिइएको भन्दै सुरु भएको आन्दोलन प्रिन्सिपल प्रा.डा. लक्ष्मी पाठकलाई पदमुक्त गर्नेसहित ६ बुँदे सहमति भएपछि फिर्ता लिइएको छ।

कलेजले लागू गरेको ड्रेस कोड खारेज हुनुपर्ने, इन्टर्नसिपको पारिश्रमिक बढाउनुपर्ने, परीक्षा दिन प्रतिबन्ध लगाएका विद्यार्थीहरूको प्रतिबन्ध फुकुवा गर्नुपर्ने मागसहित आन्दोलित बिद्यार्थीहरु  आन्दोलित थिए ।