काठमाडौँ, १० भदौ । पछिल्लो चौबिस घण्टामा नेपालमा थप ११ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा प्रवक्ता डा. जागेश्वर गौतमले चौबिस घण्टामा थप ११ जनाको मृत्यु भएको बताए ।

प्रवक्ता डा गौतमले  २ जना महिला र ९ जना पुरुषको कोरोना संक्रमणबाट मुत्यु भएको बताए । जसमा  बारामा २ जना पुरुष, महोत्तरीको ३ पुरुष, कैलालीको २ पुरुष, मोरङको १ महिला, बाँकेको १ पुरुष, काठमाडौँको १ पुरुष, र भक्तपुरको १ महिला हुन् ।

यी सहित नेपालमा कोरोना संक्रमणबाट मृत्यु हुनेको संख्या सय १७५ पुगेको छ ।

पछिल्लो चौविस घण्टामा देशभर थप ८८५ जनामा कोरोना भाइरस संक्रमण देखिएको छ । भने कोरोना संक्रमणबाट मुक्त भई घर फर्कनेको संख्या ३८५ रहेको छ ।