वीरगञ्ज, ९ साउन । नेपालमा कोरोना संक्रमणबाट आज थप एकको मृत्यु भएको छ । वीरगञ्जको गण्डक कोभिड अस्पतालमा उपचारको क्रममा ८५ वर्षीया वृद्धाको शुक्रबार बिहान साढे ११ बजे मृत्यु भएको अस्पतालका कोर्डिनेटर डा.उदयनारायण सिंहले जानकारी दिए ।

डा. सिंहका अनुसार केही दिनअघि निमोनिया भएर  एडभान्स अस्पतालमा भर्ना भएकी उनी मुटुको रोगी थिइन् ।

साउन ७ गते कोरोना संक्रमण पुष्टि भएपछि उनलाई बिहीबार एडभान्स अस्पतालबाट गण्डक कोभिड अस्पतालमा ल्याइएको थियो ।