काठमाडौँ, ६ असार । पछिल्लो चौविस घण्टामा देशभरका विभिन्न जिल्लाका थप ३३१ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयले आज गरेको कोरोना ब्रिफिङमा प्रवक्ता डा जागेश्वर गौतमले चौबिस घण्टामा ३३१ जनामा संक्रमण देखिएको बताए । जसमा ४९ जना महिला र २८२ जना पुरुष हरेका छन् ।

यो संगै नेपालमा कुल संक्रमितको संख्या ८ हजार ६०५ पुगेको छ । जसमा ७५६ जना महिला र ७ हजार ८९४ जना पुरुष छन् ।

मन्त्रालयका अनुसार संक्रमित हुने जिल्लाहरु ७४ रहेका छन् ।

पछिल्लो २४ घण्टामा थप १७६ जना उपचारपछि निको भएर डिस्चार्ज भएका छन्। जसमा १५८ जना पुरुष र १८ जना महिला छन् ।

यो सहित डिस्चार्ज हुनेको कुल संख्या १ हजार ५७८ पुगेको छ। जसमा १४१ जना महिला र १ हजार ४३७ जना पुरुष रहेका छन् ।

यसअघि बिहीवार ९हिजो० ४२६ जनामा कोरोना संक्रमण देखिएको थियो ।

त्यसैगरी देशभरका बिभिन्न अस्पतालको आइसोलेशनमा ८ हजार ५ जना उपचाररत छन् ।