एजेन्सी । नयाँ  कोरोना भाइरसको महामारी फैलिएपछि चीनको वुहान शहरमा रहेका आफ्ना ३३ जना विद्यार्थीलाई श्रीलंका सरकारले उद्धार गरेको छ । श्रीलंकन एयरलाइन्सको एक विमान चार्टर गरी उनीहरुलाई शनिबार स्वदेश ल्याइएको हो ।

उनीहरुलाई लिएको आएको चार्टर विहान आज विहान मात्ताला एयरपोर्टमा अवतरण गरको थियो । त्यस लगत्तै उनीहरुलाई विशेष बसबाट दियातलावा आर्मी क्याम्पमा लगिएको छ । उनीहरुलाई अब १६ दिन क्लोज क्याम्पमा राखिनेछ ।

विद्यार्थी लिन श्रीलंकन एयरलाइन्सको एयरक्राफ्ट युएल १४२३ चालक दलका १६ सदस्य सहित हिजो वुहान पुगेको थियो । चालकदलका सबै सदस्यहरुले कोरोनाभाइरसबाट जोगिन विशेष पोशाक लगाएका थिए ।

चीनबाट आएका विद्यार्थीलाई मात्रै होइन सो एयरक्राफ्ट र चालकदलका सदस्यलाई समेत केही दिन कोरेन्टाइनमा राखिने अधिकारीहरुले बताएका छन् । उनीहरुले वुहान पुगेर आएको चालक दलका सदस्य र विमानलाई तत्काल नियमित उडानमा प्रयोग नगर्ने समेत बताएका छन् ।

https://www.youtube.com/watch?v=33bQZkW8UsA&feature=youtu.be&fbclid=IwAR022-JWZqCG3_iz2Royqb2V5yZJjgzrA60TlaIShDZfvoBZz7CRZJNIEcA

चीनका लागि श्रीलंकन निमित्त राजदूत के के योगानान्दनले चार्टर विमान वुहानमै पुरयाएर विद्यार्थी ल्याउने व्यवस्था मिलाईदिएकोमा चीन सरकारलाई धन्यवाद दिएका छन् ।

यसरी ल्याइयो चीनबाट विद्यार्थी