काठमाडौँ, १ असोज ।  बसुन्धरास्थित कान्तिपुर डेन्टल कलेज तथा कान्तिपुर स्कुल अफ डेन्टिष्ट्रीले आफ्नो स्थापना काल देखि नै शैक्षिक तथा प्राविधिक क्षेत्रमा सहयोग गरिरहेको बुद्धिबंगरा फाउन्डेशन जापानका पदाधिकारीलाई सम्मान गरेको छ ।

मंगलबार अस्पतालमा आयोजित कार्यक्रममा कलेजका अध्यक्ष डा बुद्धिमान श्रेष्ठले फाउन्डेशनका अध्यक्ष योको वातानाबे, उपाध्यक्ष काजुवो उसुई र कोजिरो हिरोईलाई सम्मान गरेका हुन् ।

बुद्धिबंगारा फाउन्डेशन जापानले कान्तिपुर स्कुल अफ डेन्टिष्ट्री तथा कान्तिपुर डेन्टल कलेजलाई सन् १९९७ देखि शैक्षिक तथा प्राविधिक सहयोग गर्दै आईरहेको छ । पछिल्लो पटक फाउन्डेशनकै सहयोगमा कलेजले गीभ अ स्माईल प्रोजेक्ट साथै स्कुल ओरल हेल्थ कार्यक्रम सञ्चालन गर्दै आईरहेको छ ।

कलेजका अध्यक्ष डा श्रेष्ठले फाउन्डेशनले प्राविधिक जनशक्ति विकास तथा आधुनिक प्रविधि तथा दन्त उपचारका सामानहरु सहयोग गर्दै आइरहेको बताए ।

फाउन्डेशनका अध्यक्ष वातानावेले आफूहरुले गरेको सहयोग अत्यन्त प्रभावकारी भएको भन्दै खुशी व्यक्त गरिन ।