काठमाडौं ६, साउन । उपप्रधान एवं स्वास्थ्य मन्त्री उपेन्द्र यादवसंग आज सातवटै प्रदेशका सामाजिक विकास मन्त्रीहरुले सामुहिक भेट गरेका छन् । स्वास्थ्य तथा जनसंख्या मन्त्रालयमा भएको सो भेटका क्रममा उनीहरुले प्रदेशस्तरमा भएका स्वास्थ्यका समस्याबारे मन्त्री यादवलाई जानकारी गराएका छन् ।

भेटपछि बोल्दै कर्णाली प्रदेशका सामाजिक विकासमन्त्री दल रावलले प्रदेश र केन्द्रबीच स्वास्थ्य क्षेत्रमा कसरी समन्वय एवं सहकार्य गर्ने भन्ने विषयमा आजको भेट केन्द्रीत रहेको बताए । उनले केन्द्र र प्रदेशको कार्यक्रममा समानता, नीति योजना तथा बजेट कार्यान्वयमा सहजता विषयमा कुरा भएको जानकारी दिए ।

काठमाडौ आएका सातवटै प्रदेशका सामाजिक विकास मन्त्रीहरुले शनिबार बैठक बसेर स्वास्थ्य, शिक्षा लगायतका विषयमा सम्बन्धित मन्त्रीहरुसँग भेट गर्ने निर्णय गरेका थिए ।