बंगलादेशका २४ मेडिकल कलेज कालोसूचीमा, २०० नेपाली विद्यार्थी समस्यामा

नेपाली हेल्थ २०७४ मंसिर १२ गते ७:३२ 0

काठमाडौँ, १२ मंसिर । मापदण्डअनुसार काम नगरेको भन्दै बंगलादेश सरकारले २४ वटा मेडिकल कलेजलाई कालोसूची राखेको छ । यसको प्रत्यक्ष मार ती कलेजमा अध्ययन गरिरहेका दुई सय नेपाली विद्यार्थीमा पनि परेको छ । कालोसूचीमा परेका २१ कलेजमा नेपाली विद्यार्थी अध्ययनरत छन् ।

विद्यार्थी भर्ना गरेर मापदण्डअनुसार काम नगरेकाले बंगलादेशको डाइरेक्टोरेट जनरल अफ हेल्थ सर्भिस (डिजिएचए) र बंगलादेश मेडिकल एन्ड डेन्टल काउन्सिल (बिएम एन्ड डिसी)ले २१ वटा र नेपाल मेडिकल कलेजले थप तीनवटा कलेजमा विद्यार्थी भर्ना लिन रोक लगाएको हो ।

बंगलादेशमा मेडिकल अध्ययनका लागि प्रत्येक वर्ष चार सयको हारहारीमा नेपाली जाने गरेका छन् । अहिले बंगलादेशका २१ वटा कलेजमा अध्ययन गर्ने झन्डै दुई सय नेपाली विद्यार्थी समस्यामा परेको नेपाल शैक्षिक परामर्श संघ (इक्यान)ले जनाएको छ ।

इक्यानका अध्यक्ष प्रकाश पाण्डेका अनुसार २१ वटा कलेजमा भर्ना रोक लगाए पनि अध्ययन भइसकेका विद्यार्थीलाई ठूलो समस्या नभएको बताए । इक्यानले अभिभावक तथा विद्यार्थीलाई अन्योल नभएको भन्दै बंगलादेशमा रोक लगाएका कलेजहरूको सूचीसमेत सार्वजनिक गरेको छ ।

अध्यक्ष पाण्डेले नेपालका विश्वविद्यालयहरूले लिने प्रवेश परीक्षा उत्तीर्ण गरेका तथा नेपाल मेडिकल काउन्सिलको सहमति प्राप्त गरेका विद्यार्थी अध्ययनका लागि जान सक्ने बताए । भर्नाका लागि रोक लगाएका कलेजमा भर्ना नहुन समेत इक्यानले आग्रह गरेको छ ।

भर्ना रोक लगाइएका कलेज