काठमाडौँ, ४ मंसिर । टिचिङ अस्पतालको पार्किङबाट मोटरसाइकल चोरी गर्दै गरेको अवस्थामा एक जना पक्राउ परेका छन् । शिक्षण अस्पतालका गार्डहरुले चोरी गर्ने गिरोहका एक सदस्यलाई पक्राउ गरेका हुन् । लखेटदै गर्दा एक जना भने मनमोहन कार्डियाक सेन्टर पछाडीको अग्लो पर्खाल नाघेर फरार भएको सुरक्षा गार्ड श्यामबहादुर तामाङले बताए ।

सोमबार बेलुका ८ बजे नर्सिङ क्याम्पस बाहिर कम्पाउन्ड बाहिर पार्किङ गरि राखिएको मोटरसाइकल नक्कली चावीले खोली गुडाउन खोज्दै गर्दा सुरक्षा गार्डका समूहले घेरा हालेको थियो ।

आफूहरुलाई घेरा हालेको सुईको पाउनासाथ दुबै जना चोर मोटरसाइकल छाडी भागेका थिए । सुरक्षागार्डहरुले तत्काल सर्कुलर गरी अगाडीको मुख्य गेट सहित चारै तिरको गेट बन्द गरी लखेटेका थिए । सो क्रममा एक जना पक्राउ परेको हो । एक जना भने अग्लो मानिएको पर्खाल नाघेर फरार भएको थियो ।

तामाङ त्रिवि शिक्षण अस्पतालबाट पछिल्ला दिनमा मोटरसाइकल हराउने क्रम बढेपछि आफूहरुले संकास्पद व्यक्तिहरुमा निगरानी गर्न थालेको बताए । आज पनि आफूहरुले निगरानी गर्दा चोरी गर्दै गरेको अवस्थामा चोर फेला पारेको बताए । नियन्त्रणमा लिएको चोरलाई महाराजगञ्ज प्रहरीको जिम्मा लगाइदिएको समेत उनले बताए ।

गार्डहरुका अनुसार विभिन्न वार्डमा भिजिटर बनेर जाने चोरहरुले मोवाइल, पैसा समेत लुटेर भाग्ने गरेका छन् । पार्किङ गरेका ठाँउबाट हेल्मेट सबैभन्दा ठूलो समस्या भएको समेत उनीहरुले बताए ।