त्रिविद्वारा काठमाडौं नेशनल मेडिकल कलेजलाई सम्बन्धन
नेपाली हेल्थ २०७४ भदौ ३ गते २२:५४ 0 
काठमाडौं, ३ भदौ । त्रिभुवन विश्व विद्यालयले घट्टेकुलो स्थित काठमाडौं नेशनल मेडिकल कलेजलाई एमबीबीएस कार्यक्रम सन्चालन गर्नेगरी सम्बन्धन दिएको छ ।
गत १२ साउनमा बसेको त्रिवि कार्यकारी परिशद्को बैठकले काठमाडौं नेशनललाई सम्बन्धन दिने निर्णय गरेको हो ।
सर्बोच्च अदालतले एक महिना अघि मात्रै काठमाडौं नेशनललाई सम्बन्धन दिनु भन्ने आफ्नो निर्णय कार्यान्वयन भयो भएन ? नभएको भए तत्काल कार्यनयन गरि सो को जवाफ दिनु भन्दै त्रिवि र सरकार को नाममा परमादेश जारी गरेको थियोे । सोही आदेश अनुसार त्रिबिले सम्बन्धन दिने निर्णय गरेको हो ।
´हामीले हिजो मात्रै सम्बन्धनको पत्र पायौं , शैक्षिक बर्ष २०७४/०७५ बाट नै एमबीबीएस सुरु गर्नु भन्ने आदेशमा छ ´काठमाडौं नेशनलका संचालक डाक्टर जनरुद्दिन अन्सारीले भने ।
उनलेे नेपाल मेडिकल काउन्सिलले सिट निर्धारण गरे पछि शैक्षिक कार्यक्रम अघि बढ्ने बताए ।
त्रिबिका रजिस्ट्रार प्रा डा डिल्लीराम उप्रेतीले सर्बोच्च को आदेश अनुशार सम्बन्धन अघि बढेकाे प्रतिक्रिया दिए ।
सम्पर्क इमेल : [email protected]
