ललितपुर २२ साउन । नेपाल स्वयंसेवी रक्तदाता समाजका केन्द्रीय अध्यक्ष तथा सबैभन्दा बढीपटक रक्तदान गर्ने ( १५० पटक ) रक्तदान अभियन्ता प्रेमसागर कर्माचार्यलाई सार्वजनिक अभिनन्दन गरिएको छ ।

सिर्जनशील बाताबरण संरक्षण केन्द्र, झीगु थःसि नेवाः पुचःखुसि लँ बुहारी महिला समूह,असहाय मानव उत्थान केन्द्र, ललितपुर युवा समूह चाङ्गाथलि र नेपाल स्वयंसेवी रक्तदाता समाज महालक्ष्मी नगरपालिकाले संयुक्तरुपमा कर्माचार्यलाई अभिनन्दन गरेको हो ।

महालक्ष्मी नगरपालिकाका नवनिर्वाचित नगर प्रमुख रामेश्वर श्रेष्ठ प्रमुख अतिथि रहेको उक्त कार्यक्रममा अन्य संस्थाका प्रतिनिधीले संयुक्तरुपमा अभिनन्दन गरेका थिए ।

अतिथिको रूपमा महालक्ष्मी नगरपालिका वडा नं ६ का वडा अध्यक्ष बासुदेव महर्जन र अतिथि नेपाल स्वयंसेवी रक्तदाता समाजका ललितपुर जिल्ला शाखाका सचिव तथा असहाय मानव उत्थान केन्द्रका अध्यक्ष राजन महर्जन थिए ।

यसैबीच कर्माचार्यले शनिबार नै सोह्खुट्टे स्थित मनास्लु पब्लिक उच्च माध्यमिक बिद्यालयको प्राङ्गणमा श्री भुमे जनकल्या समाज,अजिरकोट(४,सिम्जुङ्ग, गोरखाद्वरा आयोजित एक बिशेष रक्तदानको शुभारम्भ गरेका थिए । कार्यक्रमका अध्यक्षले  कर्माचार्यले आयोजक समाजका अध्यक्ष धन बहादुर गुरूङलाई रक्त संकलन थैली हस्तान्तरण गरि गर्नुभएको थियो ।

सोहि कार्यक्रममा प्रमुख अतिथि तथा स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यलाई खादा ओडाएर सम्मान पत्र प्रदान गरि सम्मान गरिएको थियो ।