ओठ निकै कोमल अंग हो । ओठमा तैलीय ग्रन्थि हुँदैन । यसकारण ओठमा निरन्तर चिल्लोपन आवश्यक रहन्छ । चिल्लो पदार्थको अभावका कारण ओठ सुक्ने र फुट्ने समस्या आइरहन्छ । लामो समयसम्म सुक्खा भएको ओठ कालो हुँदै जान्छ । सुक्खा ओठमा मरेका कोषिकाहरू रहनु, सौन्दर्यका सामग्रीमा हुने केमिकलको असर पर्नु, घामको किरणको प्रभाव नै ओठ कालो हुने कारणहरू हुन् ।

हरपल ख्याल

• दिनभरमा लगभग ८–१० गिलास पानी पिउने । यसले ओठलाई सुक्खा हुन दिँदैन ।
• घरबाहिर निस्किँदा ओठमा लिप बाम या लिप केयर लगाउने ।
• समय–समयमा ओठ सफा गर्ने । सुक्खा हुन नदिन केही न केही निरन्तर लगाइराख्ने ।

घरेलु उपचार 

• एक चम्चा मह तयार गर्नुहोस् ।
• महमा ब्राउन सुगर मिलाएर केही बेरसम्म फिट्नुहोस् ।
• आधा टुक्रा कागती मह र ब्राउन सुगरको मिश्रणमा निचोरेर राम्रोसँग घोल्नुहोस् ।
• यो मिश्रण ओठमा लगाएर हल्कासँग मसाज गर्नुहोस् । केही बेरपछि मनतातो पानीले पखाल्नुहोस् ।
• अब, ओठमा बदामको तेल लगाएर छोडिदिनुहोस् । यो तरिका केही दिनसम्म नियमित गर्दा मरेको छाला हटाएर ओठलाई नरम बनाउँछ । ओठको कालो रंग हटेर बिस्तारै गुलाबी बन्दै जान्छ ।