काठमाण्डौ, १३ असार – देशका विभिन्न स्थानबाट गैरकानूनी रुपमा पक्राउ गरेर थुनेको भन्दै नक्कली शैक्षिक प्रमाणपत्रधारी डाक्टरहरुले सर्वोच्चमा दायर गरेको रिट आज खारेज भएको छ ।

पक्राउ परेका चिकित्सकलाई थप पाँच दिन थुनामा राखेर अनुसन्धान अघि बढाउन काठमाण्डौ जिल्ला अदालतले आदेश दिएको छ ।   जिल्ला अदालत काठमाडौंले हिरासतमा राखी अनुसन्धान गर्न ५ दिन म्याद थप गरेको छ ।

सुशीला कार्की र न्यायाधीश गोविन्द उपाध्यायको संयुक्त इजलासले रिट खारेज गरेको हो । केन्द्रीय अनुसन्धान ब्युरोले पक्राउ गरेका १० जनाले आफूलाई गैरकानूनी रुपमा पक्राउ गरेर हिरासतमा राखेको भन्दै सर्वोच्चमा रिट हालेका थिए ।

रिटको पक्षमा अधिवक्ताहरु शम्भू थापा, हरिहर दाहाल, बद्री कार्की लगायतले बहश गरेका थिए ।