काठमाडौँ – नेपाल मेडिकल काउन्सिलले डाक्टरहरुको गणना गर्ने भएको छ । काउन्सिलमा हालसम्म दर्ता भएका चिकित्सकको संख्याले बास्तविक तथ्यांक दिन नसकेको भन्दै काउन्सिलले गणना सुरु गर्न लागेको हो ।

काउन्सिल पदाधिकारीहरुको गत माघ २८ मा बसेको बैठकले आगामी तीन महिना भित्र सूचना निकालि गणना प्रक्रिया सुरु गर्ने निर्णय गरेको छ । सो निर्णय अनुसार दर्ता भइसकेका चिकित्सकहरु सबैले आफू कार्यरत स्थान, विषय, दर्ता नम्वर सहित विवरण काउन्सिलमा पठाउनुपर्नेछ ।

काउन्सिलबाट लाइसेन्स पाइ स्वदेश तथा विदेशमा कार्यरत सबैले विवरण पठाउन पर्ने काउन्सिलले निर्णय गरेको छ । ‘अन्यथा काउन्सिलले दर्ता कितावबाट नाम कटौति गर्न सक्नेछ,’ काउन्सिल प्रवक्ता डा कृष्ण अधिकारीले बताए ।

त्यसो त काउन्सिलल ऐनमा पनि चिकित्सकले कार्यरत ठेगाना बदलेमा त्यसको जानकारी तीन महिना भित्र काउन्सिललाई गराउन पर्ने उल्लेख छ । तर अहिलेसम्म त्यस्तो गर्ने प्रचलन खासै देखिएको छैन ।

प्रवक्ता अधिकारीले पुर्नदर्ता प्रक्रियाले नेपालमा सरकारीमा कति ? निजीमा कति ? विदेश गएका कति ? कुन जिल्ला क्षेत्रमा कति ? पढन तथा तालिममा गएका कति ? कुन रोगका डाक्टर कति ? विशेषज्ञ कति ? अस्थायी लाइसेन्सवाला कति ? स्थायी लाइसेन्स वाला कति आदि सबैको बारेमा जानकारी हुने बताए ।

अधिकारीले पुर्नदर्ता प्रक्रियाले नेपालमा सरकारीमा कति ? निजीमा कति ? विदेश गएका कति ? कुन जिल्ला क्षेत्रमा कति ? पढन तथा तालिममा गएका कति ? कुन रोगका डाक्टर कति ? विशेषज्ञ कति ? अस्थायी लाइसेन्सवाला कति ? स्थायी लाइसेन्स वाला कति आदि सबैको बारेमा जानकारी हुने बताए ।

‘यसले चिकित्सा शिक्षाको लागि अव कति आवश्यक हो भन्ने पनि एकीन गर्न मद्धत पुग्छ,’ अधिकारीले भने ।