नेपाली हेल्थ / काठमाडौँ– त्रिभुवन विश्वविद्यालयले डिन प्रा.डा.राकेशप्रसाद श्रीवास्तवले दिएको राजिनामा स्विकृत गरेको छ । उनले डिन सहित प्राध्यापकबाट समेत राजिनामा दिएका छन् ।

गत बुधबार उनले सहयोगी मार्फत त्रिविमा राजिनामा बुझाएका उनले राजिनामा पत्रमा स्वास्थ्यका कारण उल्लेख गरेका छन् । शुक्रबारको कार्यकारी परिषद्ले उनको राजिनामा स्वकृत गरेको छ ।

त्रिविका बरिष्ट चिकित्सक प्रा.डा. गोविन्द केसीले बरिष्ठताको आधारमा डीन नियुक्ति हुनुपर्ने भन्दै अनसन बसेपछि प्रा.डा. श्रीवास्तव १ फागुन २०७० मा डिन नियुक्ति भएका थिए ।

यसैबीच प्रा.डा. श्रीवास्तवको राजिनामा स्विकृत भएसंगै सहायक डिन प्रा.डा.विमल कुमार सिन्हालाई निमित्त डिनको जिम्मेवारी दिइएको छ ।