नेपाली हेल्थ/ काठमाडौँ-

पाटन स्वास्थ्य विज्ञान प्रतिष्ठान स्कूल अफ मेडिसिनले गत १२,१३ र १४ गते लिएको एमबीबीएस प्रवेश परीक्षाको अन्तिम छनौट नतिजा सार्वजनिक गरेको छ ।

नतिजा अनुसार ८ जनाले पूर्ण छात्रबृत्ति समूहमा नाम निकालेका छन् । आंशिक छात्रबृत्तिमा १३ जना र सशुल्क समूहमा ३३ जनाको नाम निस्किएको छ । त्यस्तै प्रतिष्ठान कर्मचारी छात्रबृत्तिमा पनि एक जनाको नाम निस्कएको छ ।

प्रतिष्ठानले छनौट भएका आवेदकहरुले २४ पुस देखी ३ माघसम्म भर्ना भइसक्नुपर्ने बताएको छ । त्यसअघि प्रतिष्ठानले छनौट भएका आवेदकहरलाई २१ पुस विहान १० बजे शैक्षिक प्रशासनमा सम्पर्क राखी सोही दिन मध्यान्न १२ बजे हुने अन्तक्रियामा सहभागी हुन सूचित गरेको छ ।