नियमित स्तनपानले मोटोपन घटाउछ :

पौष्टिक आहारका कारणले होस या जंकफुुड खानाले होस, हिजोआज बच्चाहरूको तौल चाहिने भन्दा बढी हुने गरेको छ । आफ्नो आमाको दुध राम्ररी खान नपाएका भएपनि बालबालिकाहरू बजारमा पाइने विभिन्न आहार खानाले मोटोघाटो देखिने गरेका छन ।

अझ विकसित देशहरूमा त बच्चाको मोटोपन मुख्य समस्या नै बनेको छ ।तर अनुसन्धान के भन्छ भने , जो बच्चाले लामो समयसम्म आमाको दुध खान पाएको अर्थात स्तनपान गर्न पाएको छ उसमा मोटोपन हुनु सम्भावना निकै कम हुन्छ ।

हालै जापानमा गरिएको एक अध्ययनबाट सो कुरा पत्ता लागेको अनुसन्धानकर्ताहरूले बताएका छन् । ४३ हजार बच्चाहरूमा गरिएको अध्ययनमा जो बच्चालाई ६ महिनासम्म ‘एक्सक्लुसिभ ब्रेसफिुडिङ’ गराइन्छ त्यो बच्चामा मोटोपन हुनेसम्भावना १५ प्रतिशत कम हुन्छ । बरू बलियो दह्रो र फुुर्तिलो हुन्छ । अनुसन्धान भन्छ , ‘बच्चाको मात्रै होइन आमाको स्वास्थ्यमा समेत फाइदाजनक हुन्छ ।’

अनुसन्धानले लामो समय आमाको दुध खाने बच्चाको पेटको समस्या, सक्रमण तथा एलर्जी हुने सम्भावनाबाट बचाउछ । अध्ययनमा ७ – ८ बर्षका कम तौल भएका बच्चा, सामान्य तौलका बच्चा र बढि तौल भएका बच्चा समावेश गरिएको थियो ।