काठमाडौँ, १५ जेठ । सरकारले गाँजा खेतीको सम्भाव्यता अध्ययन गर्ने भएको छ । अर्थ मन्त्री प्रकाशशरण महतले औषधि प्रयोजनका लागि आगामी आर्थिक वर्ष गाँजा खेती अध्ययन गर्ने बताए । उनले त्यसका लागि आवश्यक बजेट विनियोजन गरेको समेत जानकारी दिए ।

अहिले सरकारले गाँजालाई लागू औषधको रुपमा लिने गरेको छ । राजनीति दलका कतिपय नेता तथा सांसदहरुले भने गाँजालाई खुल्ला गर्नु पर्ने बहस उठाउँदै आएका थिए ।